Previous Next

琴日同大家提過，200萬港幣就可以移民英國做老闆兼享福利，大家又知唔知150萬港幣都可以移民去台灣呢?而且同香港冇時差，文化相近!講起台灣，大家心目中嘅台灣係唔係只有「台北」、「台中」、「台南」、「台東」呢? 台灣呢個地方，大家去旅行去得多，但大家又有冇試過喺當地生活呢?如果大家要落腳台灣，又知唔知邊度適合自己呢?等我地一齊睇下台灣係點樣分區，同埋到底邊一個城市適合大家!

台北商機多 教育質素高

台北市身為台灣首都，當然有一定優勢，例如人流多，人才多，消費者能力高等優勢，對喺台灣做生意都有絕對優勢。台北市無論係中學，大學數目都多，喺台灣校園區附近做生意基本上比香港輕鬆得多，因為每一個校園區附近都會有個小商圈，人流同客源都有保證，而舖租亦唔貴!例如一個530呎舖面都係5000蚊港幣左右租金。喺住方面，樓價雖然為台灣最高，但同香港比較仍然爭好遠，例如1個670呎連車位嘅單位，都係180萬港幣有找。如果將來大家打算生小朋友亦唔洗擔心，因為台北市教育質素非常高，例如有台灣傳統名校敦化國小，博愛國小等，亦有國際學校比家長選擇，所以台北市結合左創業，置業，教育優勢於一「市」!較為適合需要考慮事業發展又要兼顧小朋友將來嘅拼搏一族!

新北樓價低 發展潛力高

新北市主要圍繞台北市，當中樓價較台北市低，例如200萬港幣左右就可以買到成千呎嘅樓，絕對超值!而新北嘅商機以及發展潛力非常高，因為近年有唔少台灣人亦選擇喺新北置業，所以未來新北人口將會急速増長，同時，捷運鐵路已經覆蓋部分新北地區，更方便出入台北市!而新北市商圈數量亦多，例如有輔仁大學商圈，淡江大學商圈，林口老街，長庚商圈等，除咗有商圈，亦有唔同嘅新社區，以林口區為例，當地近5年急速發展，受捷運鐵路以及新樓盤覆蓋，已經由普通舊區變成最具發展潛力衛星城市!當然，新北市唔同地區都同台北市有唔同距離，由新北市出發到台北需要20分鐘至1個鐘頭車程左右.新北市來講，比較適合想創業，但又想享受舒適生活節奏嘅年輕一族!

台灣的桃園 港人的桃花源

如果話桃園係香港人嘅桃花源，一啲都唔誇張，要現代化嘅一面，佢有，要鄉村化一面，佢都有!桃園對比台北同新北，比較樸素，桃園市冇乜高樓大廈，每次夜晚向天一望都會見到無數星星。而桃園嘅樓價更加係桃花源價，150萬港幣就可以買到一千呎單位。而商機方面亦係冇得輸! 桃園最出名嘅商圈，包括中原大學商圈，中壢站前商圈，桃園火車站前商圈等，而且桃園除左台灣人之外，仲有非常多外勞人口，所以客源絕對唔成問題!桃園物價亦比台北市低，例如一碗牛肉麵桃園賣100蚊台幣，而台北要150蚊台幣，而桃園往來台北同新北地區嘅交通亦非常方便，半個鐘至一個鐘左右就到台北市。就桃園來講，比較適合想享受樸素而不忘都市生活嘅享受一族。

台灣600萬投資移民計劃條件對比其他國家嘅移民簡單得多，只要年滿18歲，持有澳門特區護照或香港特區護照，並投資600萬新台幣就合資格參加，而且最快只要居住1年就可以入籍台灣!

琴日同大家講左台灣「六都」當中嘅台北市、新北市、桃園市呢「三都」,今日就繼續講埋另外「三都」,分別係台中市、台南市、同埋高雄市。到底佢地同北部嘅「三都」比較，又有啲咩優勢，對於香港人有啲咩吸引之處呢?我地一齊睇睇!

台中四季如春 觀光資源多

講到台中，大家一定會諗起阿里山，日月潭等等呢啲觀光聖地，冇錯，台中的確係個旅遊資源豐富嘅地方，唔單止係咁，佢更加係一個享受生活嘅好地方!台中氣候四季如春，風景如畫，加上台中有好多知名嘅商圈同市集，例如逢甲商圈、一中商圈、東海商圈、台中車站商圈等等。每年都吸引唔少遊客到訪!亦因為呢個原因，令台中消費市場有非常大嘅潛力，絕對係創業營運生意嘅好地方!而台中樓價亦算平，以一間喺旺區嘅單位，1200呎都係賣172萬港幣，而台中作為台灣中間點，無論北上定係南下都同樣方便，所以台中絕對係大家真正享受生活嘅理想選擇!

台南民風純樸 生活指數合理

講到台南，大家可能對佢認識唔深，可能係因為台南一直以來都好低調好安靜。冇錯!正正因為台南夠安靜，成為咗佢嘅優勢!台南比起台中更為純樸，而且整個台南都有一種古色古香嘅感覺，生活節奏同氣氛令人非常舒適。而台南無論喺物價定係樓價都非常貼地，以一個957呎連車位+露台嘅單位，竟然100萬港幣有找!對比香港實在相差太遠!當然，台南商機冇北部城市咁發達，但其實移民，無非都係想脫離香港嘅高壓生活環境，而台南亦係一個好好比自己享受生活嘅一個地方，絕對適合想搞低成本生意兼好好享受人生嘅理想城市!

高雄繁榮安定 南部最發達城市

一提到高雄，大家一家諗起六合夜市，義大世界等地方。的確，高雄係台灣南部最發達城市，我地可以稱佢為第二個台北。高雄同台北一樣，有完善嘅交通配套，無論北上台北定係南下墾丁都一樣方便，而台南雖然係「第二個台北」，但佢嘅樓價係台北嘅4份之1，用1000呎單位做例子，高雄只要100萬港幣，但台北就要488萬港幣，可以想像到生活喺高雄嘅性價比係有幾高!而高雄發達嘅環境，亦帶來唔少商圈，例如六合夜市商圈，愛河商圈，三多商圈等等，高雄絕對係一個非常筍嘅地方，絕對適合中意都市生活，但又要求旺中帶靜嘅朋友們!

仲記唔記得台灣嘅移民條件同入籍條件呢?冇錯喇~就係持有香港特區護照，同埋投資600萬新台幣就可以參加計劃，之後最快住滿一年就可以入籍!