BNO變British Citizen？

近排有好多有移民英國諗法既客戶都會問到，究竟我本BNO對於我移民英國有冇幫助？系咪拎住本BNO我住夠5年就可以入籍，唔再需要透過親屬、投資、技術或者留學等既方法移民到英國？實情緊系..NO喇，如果真係咁簡單，咁以前所有所有既英屬地區d人咪逼爆英國，英國咪好唔掂？

英國移民既法例主要分咗移民法同埋國籍法。英國既移民法，記載咗有關入境簽證，續簽申請，及永久居留權既條例；而國籍法就記載咗入籍成為英國公民既要求。

好多人都唔知道有移民法同國籍法呢回事，將「永久居留權Permanent residence」誤解成 「英國國籍Nation」或「英國公民Citizen」。其實喺成為英國公民/入籍之前，首先必須要先拎到永久居留權，咁你先至有繼續延伸成公民既權利。

根據英國國籍法，申請成為英國公民時，需要達到兩大既要求。 1）申請人需要喺申請入籍前既十二個月，已獲得英國永久居留權。 2）申請人需要連續合法地喺英國居住五年，喺呢五年期間不得離開英國超過 450 日，申請前一年至少住滿275日。

咁講到呢到，大家都可能仲諗緊究竟BNO直接住夠5年就入籍呢條路得唔得，重點來了：其實持有BNO入境英國既時候，如果冇合法既簽證，法律上只系一名遊客既身份，並唔能夠當為居民。英國國民（海外）的確系英國國籍既一種，不過佢有限制，限制咗BNO持有人系冇居英權，免簽證入境180日唔算作居留。所以即使持BNO遊客既身份喺英國逗留五年，亦唔會自動取得永久居留權，更加無法達到合法居留以成為公民既要求。

同埋，好多網上文章都有個謬誤，佢地認為BNO居留180日後出一出境，再入翻英國又可以有180日居留。錯錯錯！免簽證入境英國最多連續180日逗留，並唔系每次入境180日後出一出境再入境又180日，而系每連續365天內連續180天逗留。所以，如果你出入英國境內過於頻繁，同你喺入境卡上註明既入境理由、身份唔相符，好可能就會俾官員拒絕入境。

其實大家都可以諗下，若果你揸BNO都當系合法居留而唔系旅客身份既話，咁香港人去英國做嘢，又洗乜搞Tier2工作簽證，讀書又洗乜搞Tier4 學生簽證先？BNO持有人受移民管制，所以免簽證進入英國既180天期間，其實系屬於旅客身份 (Visitor)，唔屬於定居 (Settle) 或居留 (Reside)既身份，一句講曬BNO喺英國唔可以工作、定居、申領福利，就算住到5年都唔可以申請做英國公民

。

有心移民既就應該正正當當通過合法移民途徑移民英國，其實作為香港人經Tier 1 Entrepreneur移民有一定既優勢喺度，投資額只需要20萬英鎊就可以同配偶仔女移民到英國。喺英國逗留五年並滿足相關既法例要求後，第5年就可以成為永居，第6年就可以申請入籍，十分抵玩。 想了解更多英國移民咨詢既朋友可以繼續關注我地既Facebook或者網站，又或者直接D打嚟卓域集團問下，我地無任歡迎。