真·全民醫保介紹：BC省醫療保險計畫MSP
人人都話加拿大醫療福利好，尤其係BC省（大溫哥華地區）！聽就聽得多，但係好喺邊？今日，我地卓域就同大家介紹下BC省內既政府醫保計劃究竟有乜咁好！BC省政府醫療保險計畫Medical Service Plan（MSP），覆蓋曬所有BC省既常住居民，包括咗加拿大永居，國際學生以及持工作簽證6個月或以上既人士。除咗牙醫同物理治療既費用以外,大部分既醫療開支MSP都會承擔。
喺BC省，新移民抵達第一時間要去MSP。不過要注意，註冊MSP後有一個空窗期，申請人可能要等3個月先可以接受MSP服務。過咗空窗期後，申請人及每一位家庭成員都會獲發一張醫療卡Care-Card，家庭成員包括配偶同仔女。每張醫療卡上都會有持卡人既姓名及個人醫療保險號碼，去睇醫生，買處方藥果陣都一定要帶Care-Card去。收費分為兩類，單身或兩人以上家庭，介乎每月$0-75加元（單身人士）；$0-150加元（兩人以上家庭），收入越高保費越貴！若果係低收入家庭，仲可以申請保費津貼Premium Assistant，津貼由20％至100％，視乎返家庭狀況。基本上，每一個BC省既居民都可以負擔得到MSP，所以喺BC省冇人會愁醫保既問題。
MSP既醫療體制比好多地區優勝以及完善，而且本身BC省環境又好，溫哥華又係華人既移民首選，所以唔少既客人都特別偏愛移民到BC省。若果想了解BC省更多既資訊又或者對移民BC省有興趣既，隨時聯絡我地卓域集團，我地係加拿大既移民專家，一定幫到你！
