3張圖教識你台灣房地產資訊 - 港台房地產大不同

之前同大家介紹過台灣「六都」嘅資訊，簡單咁講過佢一啲生活資訊，今日就向大家介紹返台灣嘅房地產資訊，我地並唔係sale大家買樓，只係想提供一啲當地房地產基本資訊，堅持「先移民，後置業」嘅宗旨之餘，同時令大家日後移民台灣要置業嘅時候更容易上手! 當地房地產用語要清楚 台灣嘅房地產銷售文化同香港有D唔同，行過地產舖外面，仲會有少少睇唔明，例如「龍口絕品2房2廳1衛小透天」，大家腦海會即刻充滿問號。唔洗驚，我地為大家炮製咗一個「港台兩地房地產用語對照表」(圖一)，絕對可以幫大家消除疑慮，我地一齊黎學習一下! 港台房地產面積計法你要知 除咗用語有唔同之外，兩地房地產面積計法亦都唔一樣，台灣房地產係用「坪」來計算面積，而香港係用「呎」，所以對於香港人來講好陌生，冇乜概念。有部份客人表示因為唔了解「坪」同「呎」面積換算，而置業有困難，所以我地亦為大家準備左一個「坪呎換算表」(圖二)，等大家對港台兩地面積換算有概念，更容易揾到適合自己大細嘅單位。 台灣「六都」呎價大不同 樓價方面，台灣地大物博，地區樓價當然有所唔同。由貴到平來排，分別係:台北 > 新北 > 台中 > 高雄 > 桃園 > 台南。如果大家上台灣嘅房地產網睇樓盤，可能會覺得價錢會好唔平均，唔知點樣入手，有見及此，我地亦為大家製作咗一個「台灣「六都」平均呎價表」(圖三)比大家作為一個參考，等大家對「六都」平均呎價有一個概念，心中有數嘅時候搵心水單位都容易啲! 當然，台灣置業資訊唔止咁少，今日我地講住其中三樣先，等大家消化下!聽日我地就繼續分享台灣置業嘅其他資訊，等大家對台灣房地產市場有充分了解!