5張圖表教識你台灣置業所需稅金(二)

之前同大家分享左台灣房地產嘅「地價稅」同埋「房屋稅」，兩者都係針對「業主」嘅稅項，而今日就會同大家分享針對「買、賣家」嘅「買賣契稅」、「土地增值稅」、同埋「房地合一稅」。我地將會用圖表將複雜嘅稅項簡單咁介紹比大家知! 「買賣契稅」要注意物業轉讓方式 買賣契稅嘅徵稅對象係「買家」，計算方法係「物業現值x買賣契稅稅率(2-6%)」，要注意嘅係，唔同嘅業權轉讓方式(例如買賣、典權轉讓、交換)，會有唔同契稅稅率。覺得太複雜?唔洗騰，No problem! 我地為大家整咗個「買賣契稅圖表」(圖一)，一睇即刻明晒! 「土地增值稅」要睇「土地增值金額」 土地增值稅嘅徵稅對象係「土地賣家(地主)」，只係針對「土地升值差額」，喺土地擁有權轉讓嘅時候徵收，計算方法係「土地增值總額x稅率(10-40%)」，對於唔同嘅物業用途都有唔同嘅稅率，增值金額亦會影響土地增值稅嘅稅率，只要睇咗我地炮製嘅「土地增值稅圖表」(圖二)，就會明白晒! 「房地合一稅」要睇「交易收益」 「房地合一稅」係台灣2016年1月1日開始實施嘅稅項，徵稅對象係「賣家」，計算方法係「交易收益(賣出價 - 買入價)x稅率(15-45%)」。稅率會因應「持有年期」同埋「業主在台身份」而有所差異，如果淨係用文字表達，大家會覺得好難明，所以我地亦幫大家整理咗一個「房地合一稅圖表」(圖三)，等大家對呢個新稅項有所認識，方便日後喺台灣買賣物業。 「土地增值稅」v.s.「房地合一稅」 呢兩種稅睇起來非常相似，但其實要分辦兩者差別並唔困難。大家只要記得「土地增值稅」係針對「土地買賣」，而「房地合一稅」係針對「物業買賣」就得架啦! 我地同大家分享台灣房地產資訊並唔係sale大家去台灣置業，只係希望為大家提供知識，幫助大家日後移民台灣，要置業嘅時候可以好快上手。因為卓域集團嘅宗旨係「先移民，後置業」。