澳洲版EB-3？澳洲疑修例引入低技術勞工
澳洲政府一直有同幾個勞動力短缺地區討論實施《指定地區移民協議（DAMA）》，透過引入外勞解決勞動力短缺問題。其實喺2015年北領地就同聯邦簽署咗DAMA，不過當時協議下嘅簽證屬於非移民類別，並唔可以轉為永居（PR），所以一直吸引唔到太多外勞。據ABC報道，聯邦有意修改DAMA，降低對勞工技能、語言同收入嘅要求，同時擴大職業範圍。新協議下嘅外勞只需有基本嘅農業或服務業技能，喺同一地區工作至少3年就有機會成為PR。
要聯邦同意簽署DAMA，參與地區需主動證明當地係請唔到本地人，並明確俾政府睇到勞動力短缺，有請外勞嘅需要先會批出名額，情況同美國EB-3相似。想知道呢個澳洲版EB-3會唔會順利推得成？Keep Follow我哋卓域FB，掌握最新嘅移民資訊喇！
